dimarts, 16 de juliol del 2013

qué legir pendent l'estiu? (1)

 L'arrisolet de Miss Alison de Joan Miquèu Dordeins! Un recuèlh d'un desenat de nòvas, un pichòt centenat de paginas, vos farà la tantossada en broa del riu e ne sortiretz contents. Me regalèri de lo legir. 
Aquel Dordeins, aprèp Lo Pacte, es lo segond còp que m'arregala!

Es francament de bon legir e per los que son pas d'aise amb lo gascon, avètz la revirada en francés de l'autre costat, aquò pòt ajudar!
Argument mai que tuga : es pas car! 8,5€! de crompar en cò de Per Noste o dins totas las librariás de qualitat. 

 Lo tròbi plan interessant lo catalòg de Per Noste, qué ne pensatz vosautres? 

escrich per The wonderful que dormissiá pas a 06:30

1 comentari:

  1. Anònim17/7/13 11:43

    Bonjorn,

    Merces per lu liam, anguí veire e fin-finaladament, vau beleu passar per ilhs per 'chaptar quauques libres « gascons » (que lu gascon, paubres, es be complicat <--- per rire).
    Lu site sembla beleu un pauc « cheap », es de dire « farjat a bon merchat » màs, me songe que 'quò foncciona be melhor que non pas un site que pòde pas balhar lu nom aquí per pas de portar tòrd, un site que fuguet jamai capable de ren far per balhar l'envèia.
    'Alaidonc, des la fin de l'estiu, i tornarai per jugar la paucha de 40 ans.

    JP la rapieta

    ResponElimina

Mercé :)

Subscriure's a: Comentaris del missatge (Atom)