dimecres, 4 de juliol del 2012

Encartonar

Vau mudar.
Me cal far los cartons.
Lo problèma: soi tras que bordelica.
Mas per mudar, cal d'organizacion.
Cromparai de cartons a Leroy Merlin. Son melhors que los cartons de iaorts de Netto.


Mas, fin finala, lo sol membre de l'ostal problematic es mon burèu : de tonas de libres e un bordèl qu'una cata i trapariá pas sos catons (la pròva, la cata catona pas jamai dins mon burèu!)


Per los libres, rai, aquò me farà los pectorals e los bicèps. Farai de cartons per tèmas e lengas, un pauc coma las laissas de ma bibliotèca.


Per lo bordèl... cossí faire? Ai un metòde :
- faire tombar lo bordèl de la taula del burèu dins lo carton
- marcar sul carton "bordèl burèu nº1"
- quichar l'ironia e marcar "fragile" dessús
e contunhar 
"bordèl burèu nº2", 
"bordèl burèu nº3", 
"bordèl burèu nº4",  


Bordèl burèu + ∞ 

5 comentaris:

  1. pauròta, que't planhi !
    jo, qu'èi enqüèra dens de cartons dens lo garatge un sarròt de libes… e n'èi pas la vòlha d'ac hèser ; que va har un an !
    Vertat es que'm soi hèit los bicèps e que'm cau contunhar avant que los mens dròlles me cridan dessús…

    ResponElimina
  2. Laurenç4/7/12 22:15

    Mesfisa-te, un carton comol de papiers es pesugàs !
    O alara, te resta pas pus que de'n cremar la mitat. Aquò se dis un "autodafe", e de còps que i a, aquò te pòt faire un ben !

    ResponElimina
  3. As logat un bordèl bèl per metre totes tos burèus?

    ResponElimina
  4. Fasètz seguir coma tots e tot contunharà plan planet...Mas per ont?

    ResponElimina
  5. ¡No! si ya te digo, vas para atrás como los cangrejos.

    Presc.

    ResponElimina

Mercé :)