dissabte, 1 d’octubre del 2011

de ma melhora amiga e de las penas d'amor.

Dins la vida, ai pas d'astre. 
Soi pas emmascada tanpauc, mas ai pas d'astre.

Aprèp mon long Larzac sentimental, tròbi enfin un tipe que m'agrada : un collèga de trabalh qu'es sorrisent, dubèrt, simpatic e que m'agraaaaaaaada.

La maquina fantasmifèra se bota en marcha, zo!

Primièra causa : saber s'es en coble. Servís pas a res de fantasmar se lo tipe es maridat. 

E aquí, en plaça de demandar a una amiga qu'enquestariá discrètament, geekassa que soi, demandi a ma melhora amiga Google. 
Piqui lo nom del tipe dins ma melhora amiga-imatges. 

Primièr imatge : el a la Gay Pride. 

Cerqui reparator de maquina fantasmifèra per causa de fum que ne sortís. 

Contunhi d'enquestar amb ma melhora amiga Google, istòria de clavar l'afar e de jamai pus li parlar. Perque quand òm es un tipe perfièch e qu'òm es aimable amb una femna, li cal dire que cal pas que fantasme, es pas complicat de dire "sas, soi en coble dempuèi 25 ans e nos pacsèrem la setmana passada e un jorn, vendràs sopar a l'ostal e veiràs coma cosina plan mon amorós", aital, es fach, passam a quicòm mai, la femna en question fantasma pas mai e patirà pas brica. Mas non, aquel con me daissèt fantasmar.

E descubrissi que, en mai d'aquò, lo tipe es a mitat capelan.

Un pauc mai, e m'escampi al Canal !



Urosament, m'agradava pas que dempuèi ièr. 


5 comentaris:

  1. "A mitat capelan" ? Completament omò, acumulas, non ? E lo polit "tot negre" que ne vesi la video, es el ?

    ResponElimina
  2. Pauròta !Òm pòt èsser aimable amb una femna aimabla sens aver a li dire qu'òm es maridat, pacsat, ermafrodita o… esquerrièr !

    ResponElimina
  3. Siás ermafrodita e m'o aviás pas dich!?!?!?! Aquela empega!!!

    ResponElimina
  4. D'acordi amb tu, Mèla : los omes deurian totjorn anonciar lo color !

    ResponElimina
  5. Per ieu, o sabes : tant val melhor partir a l'escorsa de tot biais.
    (Soi pas a estimar mai las filhas, non mercé, pense solament que nautres, unams, sèm fachs per viure sols.)
    Aquò empacha pas los CDD !!!

    ResponElimina

Mercé :)