dimarts, 26 de juliol del 2011

Magdalena estivala

I a de mond que per eles, las vacanças, aquò's la plaja, lo canhard, la mar, lo mond, lo parasòl, las raquetas de plaja (qual es lo con qu'inventèt las raquetas de plaja??? Qu'òm li cope los alibòfis!!!), la crema solària, lo chouchoubeignetglace, lo campatge les flots bleus. Per d'autres, es l'exotisme de las piramidas, de las paluns e putas tailandesas o del trekking cap a de cims nevats.

Ben ieu, las vacanças, i soi quand seguissi un tractor de fen.
Quand èri pichona, mos parents logavan un ostalet al país roergàs, mon paire, aquel salvatge, s'èra amigat amb lo mond de la bòria vesina, los ajudava, e, dau còp, ieu èri de longa per la bòria a descubrir un autre mond. 
E finala, las vacanças, per ieu, aquò's aquò, aquò's èsser pel milh, aquò's fenar, aquò's s'ocupar de las vacas, aquò's se passejar per l'estable, aquò's anar veire los vedelons, lor metre la man dabans lo morre e esperar que te la chuquen per sentir sa lenga rasposa, sos còps de cap e per acabar la man plena de bava. 
Sentir l'odor de las vacas, veire lo milh, sentir lo fen, seguir un tractor. Aquò me fa sentir dins lo melhor dels mondes. 
Cal pas grand causa per me far urosa fin finala.

10 comentaris:

  1. Quequejaire27/7/11 8:47

    E dempuish qui ès vaduda grana, qué çò qui fots hens lo hen ?

    Coquinassa, ven !

    ResponElimina
  2. totjorn una èrba seca per te venir fissar lo cuol...

    ResponElimina
  3. Patricia : tròba-me un amorós dins ton país tu en plaça de te trufar :D

    ResponElimina
  4. Me trufave pas, al contrari, soi coma tu, levat que ieu i soi nascuda. Per l'amorós, serà pas lo que pensas, es tròp con.

    ResponElimina
  5. LOOL. Pensavi pas a degun. mas s'es un con, ne vòli pas. N'avèm pro al govèrn, ne vòli pas un dins mon lièch de con.

    ResponElimina
  6. Aquí la diferéncia entre las dròlas e los dròles : las primièras vòlon pas de con dins lor liech, los segonds ensajan de ne mettre un dins lo lor.

    ResponElimina
  7. Istorieta que data de 30 ans.
    Una femna de colonèl e sa pichòta-filha dins Versalhas. Qualqu'un lor copa lo camin : "Quelle conne !" ditz la pichòta-filha. "Mais ma chérie, j'ignorais que ce nom avait un féminin !"

    ResponElimina
  8. Laurent e Patricia : LOOOOL :DDDD

    ResponElimina
  9. Ua auta de mei de trenta ans… l'an pèbre au mens…
    Lo quau es melhor : véder un sarròt de cons a l'entorn d'un peu o véder un sarròt de peus a l'entorn d'un con ?

    ResponElimina

Mercé :)