dilluns, 17 de gener del 2011

Chanel nº3

Cagòlas, petaçonas e borgesas de tota mena, bonjorn!

En 2011, ai quauques pels blancs dins mon polit pel castanh.
En 2011, ai de rugas.
En 2010, las aviái ja, mas en 2011, lor fau la guèrra.
Alara, de qué me conselhatz de me metre per la cara per pas l'aver tota rafida?

Oè, es la resolucion nº3: en 2011, serai una femna.

13 comentaris:

  1. La burqa qu'ei l'unica solucion duradissa.

    ResponElimina
  2. Òli essencial de ròsa dins ta potinga d'idratacion de jorn. Coma aquò poiràs semblar a Sophie Favier. :)

    ResponElimina
  3. Patricia: t'aimi!
    (mas o sabes ja)
    mmmm, ai una question, te siás reconeguda dins quina apelacion "cagòla", "petaçona" o "borgesa"?

    ResponElimina
  4. Ben non, soi un pauc garçonassa a l'endedins, un pauc filha a l'endefòra e sustot liuuuuuura* ! :)

    * Creses qu'o son, las cagòlas, petaçonas e borgesas ?

    ResponElimina
  5. E soi fan de l'Abdelrahman de Peiroton...

    ResponElimina
  6. Simple, mès cotinaud es son abilhament,
    E d'aquí me reven un grand contentament
    Car atal par plus gentila e bragarda.

    Doncas en preferant le naturèl a l'art
    Tanlèu qu'en companhia la vesi sense fard,
    Ieu voldriái cap a cap la véser sense farda.

    ResponElimina
  7. Mercés Pèire Godolin :)

    Patricia: t'aimi (bis). De qué me conselhas comas "potinga d'idratacion de jorn"?

    ResponElimina
  8. Fadarela: e ont trobas l'oli de rosa?

    ResponElimina
  9. Goiata Lemosina 201118/1/11 14:37

    Paubres, afè paubras, vei-me-quí après balhar daus conselh de beutat.

    Daus piaus blancs, desempuèi los 15 ans, beleu la radioactivitat dau Lemosin...
    Per l'òli, l'aiga de ròsa (bra'a chançoneta) mai qua'iement tot quò que me mete sus la faça perquè-iò-vale-be, vau chas lu vendor de merti, lu 'poticari mai conegut sos lu chafre de farmacian. Jà qu'ilhs te venden daus produchs que 99% es de l'aiga, 'laidonc, tant que lu 1% restant siàia un pauc util.

    Per ma pera, 40 ans ujan, fòra me netiar solament au sabon « ariovedic - 23 erbas indianas », mon amic 'poticari me balha, afè me vend, 'n' òli biò « plant-system ».

    Deman, mete la marca sus mon cibercaier.

    ResponElimina
  10. Cagòla Lemosina 2011: ben espèri aquò amb impaciéncia per o marcar sus mon caièr. e aquel sabon, ont lo crompas?

    ResponElimina
  11. La Vièlha19/1/11 12:21

    Se rafir o se rafir pas, tala es la question. Es mai que mai una question de pèl, geneticament vòli dire. I a de pèls que se rafissan fòrça e d'autras pas.
    Puèi cal dormir coma cal = "normalament" = pas s'anar jaire a 2 oras del matin cada jorn coma ieu, cal pas tubar, cal aver una bona idratacion, evitar l'alcòl, lo cafè, lo té negre..., cal manjar de causas que contenon de vitamina E.
    Règla d'aur: cal pas magrir lèu lèu, 1kg/1,5kg per mes, pas mai!!! Si que non te rafisses e as de pèl que penjurla e alara ciao la siloèta de la pichòta serena de Copenaga.
    Òli essencial de ròsa... 83€ per 5ml, o 38,90 per 1ml sus un autre site...es que lo vales plan! Se ne trapas de pas car, es qu'es de farlabica, cal 4 tònas de ròsas per faire 1kg d'òli essencial (Cf. aquí, es tanben çò que me diguèt lo tipe que ven d'òlis essencials e d'autras causas sul mercat dels Arcèus).
    I a l'òli d'argan -lo "brut" del Maròc sentís pas gaire bon! E mai lo de figa d'Africa.
    Lo melhor es de te passar d'òli d'oliu de bona qualitat abans d'anar al lièch -bon, se dormisses amb un amoroscontent, benlèu seriá melhor de i apondre una gota de quicòm coma lo geranium... (agacha aquí), per que sentiscas pas l'ensalada.

    ResponElimina
  12. Mercés La Vièlha de ta responsa!!!

    Bon, vau al lièch d'ora, fumi pas, bevi pas ni alcòl ni cafè ni tè (e ai arrestat la còca còla). La vitamina E, ont se tròba? Pastanaga, e qué mai?

    Vòli pas èsser la pichòta sirena de Copenaga, los gavians li cagan dessús :P

    83 zeuròs? A non!
    E l'òli de Marròc, ont se tròba e quant còsta?
    L'òli? d'akò n'ai :)

    Lo poton e mercés!!!!

    ResponElimina
  13. La Vièlha21/1/11 11:47

    Vitamina E: en gròs, l'òli e tot çò que ne conten (noses + veire la tièra sus Wiki o endacòm mai)
    La pichòta sirena: I a un fum de monde tot lo temps, los gabians se sarran pas tròp per li cagar dessús -te vau mandar una fotò, vas veire!- o alara i a qualqu'un que ven l'asticar cada matin per que marque pas mal mentre i a de visitors dins la jornada -s'es aquò, te cal sovetar que manca d'astre lo qualqu'un siá pas una qualqu'una.
    L'òli d'argan...
    1) n'i a al Marròc, de vertadièra, de farlabica..., n'i a aquí tanben -n'ai vist a Bioshop
    2) pron car

    ResponElimina

Mercé :)