dilluns, 17 de gener del 2011

Ai ganhat!


Ai ganhat doas plaças pel rugbí Dissabte a Montpelhièr. Ieu que ganhi pas jamai res, soi tras que contenta!!! 
Montpelhièr i jòga contra un club que coneissi pas, un club anglés qu'ai ja doblidat son nom. A si, Exeter Chiefs, coneissètz vosautres? M'auriá mai agradat de ganhar una plaça de Tòp 14 Montpelhièr - Tolosa, mas bon me vau pas plànher.
Sabètz que Montpelhièr son 3en del Tòp 14 darrièr Tolosa e lo Racing sai pas qué?

Sai pas tròp ont plaçan lo mond qu'an ganhat una plaça mercés a una ràdio de mèrda que gausarai pas dire qu'escotavi aquò de tant que me fa vergonha. 

Ai chifrat un moment per decidir quin polit rugbiman me poiriá acompanhar. Mas finalament, coneissi pas de rugbimen.
Ai doncas chifrat per saber a qual li agrada lo rugbi. E ai trobat! Ai telefonat a la Pomponeta que quand ai dich "plaças - rugbí - dissabte - tu venir?", a cridat de òc dins son telefonet.  

Doncas , dissabte, vau veire lo rugbí amb Pomponeta a Montpelhièr e soi ben contenta. Serà lo primièr còp que fotrai los pès dins un estadi d'espòrt un pauc bèl.
'fant de looooooooooooooooooooooooooooop!!!!

8 comentaris:

  1. òsca a totas doas! as plan fach de jogar e mai de ganhar. sabiái pas que l'escotavas de temps en quora aquesta ràdio!

    lo coach de l'equipa li agrada a la pomponeta: alara.....

    ResponElimina
  2. ieu tanpauc sabiái pas que l'escotavi LOL

    O sabi que lo coach li agrada. Mas sai pas se se vendrà assetar a costat de nosautras...

    ResponElimina
  3. Compte sus vautras per far ausir lo Se Canta !

    ResponElimina
  4. Bon per çò qu'es del resultat de Montpelhièr contra Exeter, supausi que l'avètz viscut en live (32-30, lo MHRC es qualificat en quarts de finala del Challenge europèu)... Mas ai una autra bona nòva d'anonciar a Melà qu'es aparentament en vapor a cada còp qu'apercep François Trinh-Duc (n°10). A decidit d'esperlongar son contracte amb Montpelhièr per tres ans mai(sorga rugbyrama /midi olympique). Me pensi que la nòstra Melania internacionala deuriá lèu remplaçar Roseline Bachelot dins las dochas per las tres sasons que venon.

    ResponElimina
  5. Rosalina va dins las dochas? Quina salòpa!

    ResponElimina
  6. Be 'la era ben oblijada... quò fasia partida de son trabalh de ministre daus espòrts...

    ResponElimina
  7. ... E Ouedraougo (flanker, siá tresena linha ala, banda de beocians) esperlonga tanben son contracte al MHRC. Benlèu qu'es aquò l'efièit Galthié (l'entraïnaire de la còla, bogre d'incultes). Alavetz Melà, as la meteissa reaccion quand veses l'amic Fulgence o fantasmas pas que sus Trinh-Duc?

    ResponElimina
  8. TRinh-Duc, pas mai :DDD

    ResponElimina

Mercé :)