La vida segon Mela (3)

Còdi barra

fòto

Bodega, buf de vida!

Dissabte, veguèri lo film Bodega Buf de Vida. Un documentari de 52min. sus la bodega/la craba.

Es un documentari plan interessant, plan fach, polit, pas brica cagant, estrambordant, que tòrna prene l'istòria de l'instrument amb tot plen de testimoniatges e tot en occitan :)

Lo DVD a la venda es, de fach, dos DVDs: 

- lo documentari de 52 minutas que veguèri mai un bonus sus la decoracion

- un segond DVD amb d'explicas pedagogicas e d'explicas sus la factura de l'instrument

Amb aquò, i a un libròt de  64 paginas. 

Lo DVD es mai que mai en occitan, amb los jos-títols en occitan, francés, anglés, espanhòl, alemand e italian.

I joscriguèri fa quauques meses, me languissi de lo recebre aquel cofret!!!

Bodega, buf de vida!, un film de Sophie Jacques realizat per Stéphane Valentin

La talvera a Limós

Dissabte, èri a Limós-vila-del-carnaval-e-de-la-blanqueta per me regalar a Total Festum, veguèri un film plan interessant sus la bodega que ne vos tornarai parlar dins los jorns que venon, escotèri mos collègas bodegaires que los aimi fòrça, sautèri amb la Fanfara das Golamàs e escotèri la Talvera. Tot se deviá far defòra mas la pluèja audenca nos faguèt dintrar. Daumatge, perque La Talvera, aquò m'agrada mai sus un empont bèl :) Coma lo grop coneis mon nom e per las danças dison "agachatz, Melania o vos mòstra", lo mond se pensan que fau partida del grop e m'arriba sovent que de mond me diguèsson " mas, tu, te coneissi, siás de la Talvera!".Aqueste còp, a pas mancat, soi segura que totes los limosencs se pensan que fau partida del grop... en mai d'aquò, lor pòrti las cervesas... (o sabi soi la femna i-dea-la)

Doas videonetas de la Talvera que lo Dieu Loddo i jòga de quicòm mai que non pas de diableton o de craba...

La primièra, i jòga de boha. Traïson! Me li cal dire quand meme que la boha es una cornamusa de tapeta, benlèu o sap pas. Mas cossí se pòt passar de la craba/bodega a a aquela pecòla de cabra??? (veni de perdre l'integralitat de mon lectorat bohaire me sembla). Enfin, los bohaires se pòdon consolar, i a pièger que la boha coma cornamusa de tapeta, i a lo bòt aranés qu'a pas de bonda solament. :D (uèi, ai decidit de me far d'amics).
Anem, la musica:


La segonda video, lo Dieu Loddo jòga de guitarrona sus la cançon "Lo meu País" qu'es una cançon plan plan polida que la podètz escotar sul disc Bramadís (de crompar, of course). Me dison dins l'aurelheta qu'aquesta guitarrona a un nom e que se ditz un ukulele.



E ben ieu soi contenta, quand vesi un grop en concèrt pel 50en còp, d'aver de suspresas a cada còp :)

Total Festum a Seta: autbòi e mauresca! What else?

Divendres, èri a Seta per Total Festum.

Vos parlarai pas de la fèsta del pofre que faguèron que seriái missanta. (romeguèri pendent una ora de temps, LaJefa ne pòt testimoniar).

La bona suspresa, akò foguèt Mauresca Fracas Dub. Pas la revelacion, que los coneissi dempuèi un brieu! Mas fasiá moment que los aviái pas vistes e aviái doblidat coma es un putan de bon grop de scèna! Una bona umor, una critica inteligenta, un vam tarrible, una energia contagiosa, una bona reparticion entre totes los membres del grop. Un bon concèrt, d'agachar, d'escotar o de sautar.

3 videos de la serada a Seta:
La primièra aquò's la video de transicion entre las conariás teatralo-pofrescas dels parisencs e lo concèrt, amb los 3 autbòis: Felip Carcassès (de Biscam Pas),  Alain Charrié (dels Souffleurs de Rêve) e Eric Livolsi (de la fanfara geniala  Marcelle Coulazou - caldrà que ne parle!) que jògan "La Descente de la Bourse" sul dub de Drac Gavach de Mauresca. Soi fan fan fan.

I aviá de mond a la serada! Mas lo mond se tirèron dau mitan que i aviá una guerra que los projectils èran de pofres. Èra plan desgulasse. Mas akò los fasiá rire. Ieu akò me fa pas rire de jogar amb lo manjar, mas me cali que me van encara dire que me sabi pas amusar... ben non, me cali pas, lo pofre es quand meme plan melhor dins una tièla que non pas pel sòl. E critiqui pas los  estudiants montpelhierencs qu'empofrèron Chevenement nimai los setòris qu'escampèron de pofres sul MacDo tot nòu que pudissiá pas encara a toat, avián rason :)

Las doas videos que seguisson, son los mèstres autboissaires Mèstre Alain Charrié e Magic Felip Carcassès. Primièr, un extrach cortet de "Ya Basta!"

E enfin, lo remembre esmovent de la serada amb la cançon "Seta"perque es una cançon que m'agrada e s'ausís d'un autre biais sus plaça :) E mai que mai perque lo concèrt, èra en fàcia ( de l'autre costat del canal) del centre de retencion. Sus la video, a 3'20:

Ieu disi que dos autbòis sus de dub, akò m'agrada GRÈU!!

Ne profechi per far de reclama! Lo 3en 4en CD de Mauresca es en soscripcion, anatz-i! Es d'autoproduccion, e un CD akò còsta de sòus. Se titola "cooperativa", what else?

Un conilh jol lièch

Aprèp la granhòta dins lo frigo ( aquí, aquí, aquí e aquí), uèi, ai trobat un conilh jol lièch.

I compreni pas res.

Vòli una bodega!

Lo plaser musical del dissabte:



Tamborn de Seta e Bodega. What else?

Fotografiarem lo Larzac

Quauques fòtos presas a La Covertoirada...

Lei crotz de pèira an butat coma d'aurelhetas sus lo causse, dins l'èrba trempa e lei calhaus banhats. Lei cairons de la capela s'escavartan, escaumas d'un drac tròp vielh : mesa en scena chamanica, frescor deis eretgias presas a sei sòrgas païsanas. Au pè de l'aubre de la crotz, saique lo sembla-rosièr èra una mandragòra.  Roland Pecout

Gramaci a la Maria Joana pel poèma de Pecot :)

Gigi!

Ai vist lo reportatge a Viure al País e ai comandat lo CD, istòria de cuolejar un pauc :)

http://www.myspace.com/gigidenissa

Me dison Trifon Virasolelh

L'autre jorn, aviái un rendètz vos e coma èri en avança,  me passegèri per las carrieronas de Besièrs. E te crosi per carrièra un tipe que semblava un caraco elegant bralhas negras e camisa blanca que me soritz e me saluda.

 N'aguèri mon confle de passejar, alara, m'assetèri sus un escalièr sul trepador en esperan mon rdv.

E aquí que me tòrna mon caraco.

Se sarra. Fau la que manda un SMS e qu'es overocupada...

- Je vous trouve très jolie.

- Merci, que li respondi amb un risolet, qu'aquò fa totjorn plaser quand t'o dison en t'agachant los uèlhs e non pas las popas o lo cuol

- Comment vous vous appelez?

ok, me fa plaser mas soi pas la crotz roja òu

- non, mais ça sert à rien!

- Mais... j'ai pas le droit de draguer? me ditz mòrt de rire

- ò si, que li respondi en risent ieu tanben, vous avez le droit de me draguer mais ça sert à rien.

- Vous êtes mariée?

- Non, même pas.

- Occupée?

ben non , tanpauc, mas se li disi de non, me'n desempegarai pas, alara li disi:

- ouais, on va dire ça comme ça

- et bien il a de la chance cet homme, je le connais pas mais je le déteste! Vous êtes vraiment très jolie.

puèi pas res mai.

E el que voliá tornar lançar la causa comença amb un bracejadís liric:

- Vous savez, je suis un grand poissonnier de la Lironde!

- ah...

E ieu de pensar: mas de qué se pensa aquel conàs, que perqué es un grand peissonnièr va ganhar de punts? Se pensa que peissonièr es un mestièr que fa frenir los tetés a las dròllas? E se pensa que l'argent m'interessa? En mai d'aquò, aquò pudís, lo peisson. E puèi ont es aquò la Lironda? E de qué branda akí a akesta ora s'es peissonièr? E puèi, los caracos, akò fa pas lo peissonièr!!!!

- Hein? Vous êtes quoooooooooi ??!?

- Je suis un grand passionné des jolies rondes.

Glop.

Virada en Provença

L'autre jorn, anèri far la muòla en Provença...

Anèrem primièr a Sant Pau de Mausòla, a Sant Romièg au pè de las Aupilhas.
Aquí n'avètz una fòto del cloquièr romanic amb al primièr plan de pèiras de la peirièra vièlha que i a darrièr que s'i pòt dintrar dedins (es impressionant!)

Quand dintratz a Sant Pau de Mausòla, arribatz a la clastra...

Mas es pas per aquò que lo luòc es conegut e visitat per tot plen de toristas olandeses, es perque i demorèt aquel:

Sant Pau de Mausòla es dempuèi l'Edat Mejana un ostal per los inocents o autres calucs. E Vincent Van Gogh i demorèt un an e i pintrèt tot plen de telas... Vaquí sa cambra:

La Fenèstra amb la vista sus l'òrt... Que los coneisseires de Van Gogh, aquò vos parlarà:

E òc, i a de grasilhas, aquò èra una endrech ont i aviá de mond pas tranquilles... Fa estranh...

Sant Pau de Mausòla, en mai d'èsser un luòc de torisme mercés  a Van Gogh, es totjorn un ostal de santat que trabalha entre autres amb l'art-terapia.

Totjorn a Sant Romièg, i a Leis Antics:

Puèi prenguèrem direccion Pòrt de Boc e montèrem a Sant Blasi, una jòia arqueologica entre los estanhs...

E d'aqueste paradís, veses l'infèrn de Fòs...

Quequejaire se pausa una question, qual li respond?¿

Escala a Seta

Dissabte passat, anèri a la jornada festivo-culturalo-maritima Escale à Sète.

La tòca èra de far una fèsta a l'entorn de las tradicions maritimas dins lo primièr pòrt de Mediterranèa ( mas si , es lo primièr! los autres? comptan pas).

La matin, i aviá de conferéncias que i anèri pas, lo tantòst i aviá de passa carrièras, d'ajustas e sai pas de qué mai encara.

tota la jornada, podiam veire de batèus que se veson pas jamai. De batèus vièlhs, de Mediterranèa o pas

 

amb una polida collecion de velas latinas (especiala dedicaça al Joan deu Peiroton que sabi qu'es un batèu que li agrada fòrça) :

E dins tot plen d'endreches, bars e restaurants partenaris, i aviá de concèrts pichons amb de gropes de Seta o de Mediterranèa o de la mar.

i aviá tanben un empont bèl qu'èra sus un... batèu, lo batèu-empont, coneissiam ja amb lo festenal convivéncia que fa los concèrts sus una gabarra.

Arribèri qu'èran ja 7 oras, arribèri per l'imne setòri Chagrin fai ta mala que fasiá plaser de veire lo public cantar e coneisser las paraulas en occitan en version originala, vakí la video, made in Seta, akò bolega un pauc :)

Puèi los bretons joguèron e dancèron:

Alara, partiguèri e seguiguèri la musica de l'autbòi e arribèri dabans un bar e escotèri aquò:

M'agradan aquelas vidèos, son plan lo rebat de çò qu'èra la serada :). Lo grop es Biscam Pas amb en mai :lo mèstre  Alain Charrié a l'autbòi, Lionel Lopez a l'armonica e Jean Louis Zardoni al tamborn setòri.

Puèi me faguèri convidar al restaurant per un polit mascle. Mangèri una macaronada de la mar que me faguèri una bonheta gròssa coma un uòu sus mon tòp sexi. Ai pas d'astre amb los òmes.

Aprèp un glacet per digerir la macaronada, amb lo polit mascle qu'aguèt pas paur de ma bonhetassa que pudissiá lo muscle entomatat, anèrem dançar lo zok  freta-monilh dabans lo batèu-empont amb Jagdish e Kreol Konexion:

Una jornada plan capitada amb çò que cal de monde: pro per dire als organizators qu'es una capitada e just çò que cal per pas desrevelhar ton agorafobia. 

Òsca a l'associacion Escala a Seta e òsca a la comuna que sosten a fons l'afar: capitèron de far una fèsta bèla, inteligenta, sanitosa, agratis, culturala e setòria. Èra l'ora de far quicòm del país e d'arrestar de Còsta d'Azurizar la ciutat.

Vòlon far Escala a Seta cada dos ans. RDV dins dos ans doncas, que passèri una serada excellenta a Seta!!!