dijous, 25 de març del 2010

Youtube m'a sauvada

Quand ai pas lo moral o que dormissi pas, o los dos, vau sus youtube... e aquesta nuèch, ai trobat aquò


Aquela dança m'agrada FÒRÇA. L'aprenguèri quand èri al Far West, aquí, se fa pas dins los balètis, sai pas perqué, qu'es una borrèia que càmbia de las borrèias costumièras :)
Especiala dedicaça a LaJefa :)


Enfin, me vau pas plànher,ara, dins los balètis de Lengadòc Bàs, se son meses a jogar e dançar de correntas, òsca!

(e per l'istorieta, lo ligam sus youtube, e ben i èri a aquela nuèch de la correnta a Limon, mas poguèri pas dançar qu'aviái una entòrsa...)

E quand soi subredeprimida, vau veire aquò:

que me regali de la musica e la banketa me fa rire de tant qu'es afrosa.

7 comentaris:

  1. La valsa de la subredeprimida en minor, soi a l'aprene, ja la sai jogar al tinwhistle, enfin una votz sola, que per bufar las doas voses, cal èsser dos :).

    ResponElimina
  2. A ieu m'agrada pas. Me fa plorar. Occitania me manca tròp quan l'escoti. Aqui i a pas de balètis, i a pas de borrèias, i a pas de Melania...

    ResponElimina
  3. Paura Marieta...
    Aimas pas lo Chesterfeld, Mela ?

    ResponElimina
  4. Mooaaa !!! Les grandes poteries !! Mai 'na video sus la borréia "berrigaud style" !! Qu'es pas 'cepte de dansar entau !
    Per auvir les grandes poteries mai suvent, te fau venir en Lemosin ! Crese que son jugadas a chasque balèti...

    ResponElimina
  5. La borreias valen ben l'aeròbic (a costat Veronica e Davina fan pauc farlabica non? non vòle pas estar daus maeschents mas...) 'quilhs dos vielhs an la santat, an de l'eime.
    Per venir centenari chau aprener a las dançar.
    Maleirosement se i a que de vielhs per las dançar e ió que sabe pas mai ente botar los pe coma chau.

    Remirabla videò que nos balha lu "nhac" coma disen los gascons e l'enveja de mossegar dins la vita.

    ResponElimina
  6. Es pas tot fresc, aqueste pòst. Seriá pas ora de nos bloguejar quicòm de nòu? Remarca, ai pas encara capitat d'alinhar dos passes de borrèia (ni mai de valsa, en realitat).

    ResponElimina
  7. Es be brava 'quela vidèo amb los dos vèlhs que dançan la borrèia!

    ResponElimina

Mercé :)