diumenge, 21 de juny del 2009

Aventura extrèma: Miston dins la Kagona


- Alò, kò vai?
- Bon dieu, non, ai tròp de trabalh, ne pòdi pas mai, n'ai mon confle. M'agradariá de faire mon òrt, mon paure òrt dins mon Cantal.
- E ben, vaizi dins ton Cantal, colha!!
- A ben non, amb la rota, la lassièra, pòdi pas.
- E se te meni ieu?

E menèri laBelaValenta a son ostal cantalés.
Aquò's la version corta.
E poiram acabar aquí.
Mas non, i a una version longa.

La version longa comença per "e menèri laBelaValenta e son cat a son ostal cantalés".

Amb maRòta, tot es aisit. Fau la valisa, me seguís de longa, que l'anèsse pas doblidar a l'ostal! Quand dubrissi l'autò, "sauta!".Sauta, vira en redond 3 o 4 còps dins lo còfre de l'autò, s'ajaça en redond , e fai tirar Marius, mar o montanha, autorota o vila, RDV dins 3 oras quand se dirà "oooo, es un pauc longa la siesta, quora jogam a la bala?". La vida es polida amb un chin. Mas amb una puta de cat... (demandatz a la Fadarela! )


Tot comencèt a 08h30 dau matin qu'esperèri 1/4 d'ora laBelavalenta en bas de son ostal. "encara al telefòn a sauvar lo mond". Tu parles Charles, monsur lo cat s'èra amagat. Rai.
Meti la gàbia dau gat (òc, FAdarela, la belavalenta a una gàbia ela) suls sètis de darrièr. E zo!
Miaaaaaaaaaaaaaaaaaaaau
Miaaaaaaaaaaaaaaaaaaaaaaaaaaau
Miaaaaaaaaaaaaaaaaaaaaaaaaaaaaaaaaaaaaaaauuuuu!.
ieu, que m'agrada d'escotar lo silenci de mon motor: Va miaular fins a Sant-Flor?
ela, fisançosa e 30Millionsd'AmisInside: Non non, s'arrestarà un pauc sus l'autorota puèi aprèp tornarà començar e aquí racarà. A la puta de bèstia: È, mon Miston, que racaràs?
ieu, fastigada È? Racarà? È? Es programat? (votz off: dins mon autò tota polida, neta e netejada cada jorn? e ai quitament pas mes un pauc de jornal jos la gábia d'aquela puta de gat que en mai de bramar tot de long va racar. Mas quinas putas de bèstias!! bon, espèri que se cagarà pas dessús. )

A75.
Lo cat dormís. Racarà pas. Puèi amb un pauc d'astre, aurà pas manjat, a l'estomac vuèg.
E l'A75 comença de virar...
Miaaaaaaaauraaaaaaaaaaaaaau
Miaaaaaaaauraaaaaaaaaaaaaaaaaaaaaaaau
Miaaaaaaaauuuuuuuuraaaaaaaaaaaaaaaaaaaaaaaauuuuu
ela - A!, va racar dins pas gaire, miaula aital just abans de racar.
A ben soi urosa d'o saber ten...
Blllaaaaaaaaaaaaaaaarpppppp kof kof.
ieu - A, es fach!
E començam de montar lo Pas de l'Escaleta. Per los que coneisson pas, es la còsta que te fa montar de la plana al Larzac. Es una còsta de 25%, al mens, amb tot plen de viradas.
- Arrèsta-te aquí! Vau netejar la gàbia.
- A non, m'arrèsti pas aquí, au mitan de res, en plena còsta!!! I a l'aira dau Cailar dins 5 minutas, podrà plan esperar 5 minutas, òu!

Mas lo Pas de l'Escaleta, aquò vira...
E la gàbia, e ben l'aviái pas plan cunhada... e la gàbia... enfin avètz comprés qué, rodèt, anèt d'una pòrta a l'autra... amb lo cat dedins... e son vòmit....

nos arrestèrem sus l'Aira dau Cailar.
estonada - È? as pas de sacas de plastica ni d'aiga ni de papièr per netejar quand lo cat raca?
- Ben, non, mon chin raca pas jamai.

E sortiguèrem la bèstia fèra de sa gàbia... de son shaker.

Ai vergonha... mas ... èri mòrta de rire.





Alara, vos vesi arribar amb vòstra carta de 30millionsd'amis, pas de melodrama, es pas mòrta la bèstia! Nos arrestèrem per picanicar, e agachatz-lo coma semblava pas tant traumatizat:





E la galejada dau jorn:
- C'est quoi un chat dans un arbre?
C'est un chat de moins sur terre.



Mas, catofils e catofilas legeires dau blòg, regaudissètz-vos, Miston se venguèt al tornar.



.

6 comentaris:

  1. imagina te amb una allergica als cats en mai dins la veitura..; ièu aimi pas los animals en causa d'aquò!

    sès brave vai! Melà.

    ResponElimina
  2. Mès sètz passadas a 15 km de l'ostal ! Ton raconte, Mela, m'a fach tussir pendent un quart d'ora (que soi un pauc malauteta) e, lo rire per dessús, me podiái pas arrestar de tussir ! Lo còp que ven, vendrai amb valtras !

    ResponElimina
  3. pomponeta21/6/09 21:23

    mela, la phrase"a ièu m'agrada d'escotar lo motor de la veitura" est-elle vraiment de toi ou est ce un copié-collé de quelqu'un d'autre? il me manque 50 à chaque oreille depuis que j'ai voyagé avec toi : mela, on peut baisser la musique , un peu?

    ResponElimina
  4. Ben ieu, quand Mela me mena, me pòrti totjorn una saqueta dab jo, de las que pani coma sovenir de mos viatges en avion de temps en temps.

    ResponElimina
  5. De cats, nosatis non n'avem pas. Sonque gats. E vau mei un gat gascon que non pas un cat cascói. Jo que dic.

    ResponElimina
  6. Ten, avem perdut la catona un pauc mai naut, un còp que fasiam la rota cap a Òlt gaireben 25 ans a, amb la maire e la sòrre. Pecaire, avia sautat pel fenestron de la 4L, perderem una ora al ras de la rota (i avia pas encara la 2X2). Puèi a mostrat lo morre, volia ben nos faire cagar un oreta, mas pas demorar en Avairon. Los cats e las veituras, es pas jamai estat l'amor.

    ResponElimina

Mercé :)