dimarts, 17 de març del 2009

De las bòças e dels escupits


- Sas, per las romecs dins ton terren, e ben i deuriás metre un lama. Lo lama, es lo solet animal que las manja las romecs.
- Vertat?
- Òc
- Lo lama, a una bòça sus l'esquina, òi?
- mmmm, non, polideta, confondes amb lo camèl.
- Lo camèl... escupís?
- Non, polideta, es lo lama qu'escupís.
- Mas lo camèl escupís pas un pauc de còps que i a?
- A, sai pas, me sembla pas.
- Si! Me sembla qu'o ai legit sai pas ont. Lo camèl escupís. De tot biais, lo camèl e lo lama, akò a lo meteis cap, es parièr, n'i a un qu'es gibós e pas l'autre mas es parièr, te semblan pas a tu que son parièrs?
- Rai, de fach, son cosins.
- Ten , o veses , ai rason, lo camèl escupís. CQCD.




T'ai lo biais per me ridiculizar primièr puèi aver rason que me deurián pagar per aquò. De còps que i a , m'aimi.


Per los que lo tèma interessa...



Me senhalan dins l'aurelheta que lo Dalai Lama es vegetarian mas manja pas las romecs.


.

2 comentaris:

  1. De qué dison aqueles pescòfis?!!!!

    Escupissi pas sul monde, ieu! En tot cas, pas amb la meuna saliva!!!

    ResponElimina
  2. I a pas res de vertat dins tot aquò. Lo lama a una bòça el tanben, es una bòça amovibla. Quand la pòrta , es sul cap e non pas sus l'esquina. Un jorn, o una nuèch puslèu, k l'avia pausada sus la taula de nuèch e Pilar k èra a netejar la cambra del lama demandèt: de kal es aquesta puta de bòça que rebala sus la taula de nuèch, e lo lama de respondre, en tot mostrar son cap: es d'alai. D'aqui lo nom deu dalai lama.
    K lo dalai lama manje pas los romecs, es pas vertat tanpauc, pauròt. Se n'a pres un mont despuei qu'es estat lama.

    ResponElimina

Mercé :)