divendres, 19 de desembre del 2008

de la vergonha d'un dissabte a la bibliotèca nacionala de França

LaBèlaValenta es tota orgulhosa perque a enfin un ordenador portable. E la fa la quèca amb son ordenador. Es a descubrir la tecnologia sens cable, lo wifi, lo portable, çò practic qué. Osca per ela.

Dau còp son ordenador portable, te lo rabala de'n pertot. Quitament per trabalhar (me dison dins l'aurelheta que soi la sola persona que se rabala un ordenador de 5kgs sus l'eskina sonque per escotar de musica, que lo monde normal se crompan un ipòd).
E la BelaValenta, coma es una neneta brilhanta, e ben va a la BNF.
E la BNF es a París. Alara quand i va a la BNF la BelaValenta e ben se'n va per una setmana. E l'alberga son amiga que l'apelarem laScientifica. E laScientifica, tota scientifica que siaga, a pas la television nimai internet, es una hippie qué. putan quitament los scientifics venon hippies, mas ont va lo mond, paures de nosautres. Alara pendent una setmana, la BèlaValenta e ben poguèt pas agachar Plus Belle la vie, que i es adicta d'a fons; pièger, poguèt pas agachar los resumits sus internet. Aquò's n'es una de tortura!

Alara, a la BNF, volguèt agachar los resumits... mas de qué se passava al barri del Mistral lo vespre quand ela èra en cò de son amiga hippie qu'a ni la television ni internet? Ne dormissiá pas mai la paura d'ela.
Alara a La BNF, demandèt : "cossí fau per aver internet?". La femna li explica. No soucy Ophely.
S'installa, dins una d'aquestas sallas graaaaaaaaaandas, loooooooooongas. Amb de taulas graaaaandarassas. Amb tot plen de mond concentrats que son a furnar dins de libres o de manescriches precioses, de mond que son a soscar, de mond que son pas venguts agachar Plus Belle La Vie, de tesards, d'universitaris, d'intelectuals famoses. La vesètz aquesta sala granda?
E ben la BèlaValenta s'installa a una cadièra, just dabans un capelan, aital es segura de se faire pas dragar. (dragan grèu a la BNF i vau prene un abonament ieu)
Branca tot coma cal.
"Dubrís internet" (òc, la BelaValenta dubrís internet, dubrís pas lo navegator, pas la pena d'ensajar de la corregir fa d'annadas qu'o ensagi e marcha pas...).
E va sus Plus Belle La Vie.
E aquí dins lo silenci religiós de la BNF, restontisson lo generic de PLus Belle la Vie e la votz de Tomàs, l'omosexual de la seria, que ditz a son amic : "mas non Florian, Nicolas es mòrt per ieu, ara es amb tu que la vòli faire ma vida!"

...
Lo capelan se signa.
Tot lo mond lèva lo cap.
E la BèlaValenta brama un "mas compreni pas, a mon ostal, es pels nauts parlaires que sortís lo son e me cal apuejar sul boton".


La tecnologia es una puta.


.

3 comentaris:

  1. Lo còp que ven, o farà ambe lo VAP. La votz del Benaset "Adissiatz brave monde" que peta dins la sala bèla de la BNF, aquò seria quicòm risolent.

    ResponElimina
  2. Que laissèri jà un comentari que foguèt pas près?
    Doncas lo repèti ; que i a pas de vergonha de regardar , plus bela la vida o jos lo solèlh, que se trobèsse d'unas agachavan d'x , en fasent semblant de trabalhar...
    Bona annada

    ResponElimina
  3. la BNF a porté plainte?

    ResponElimina

Mercé :)