dissabte, 29 de novembre del 2008

Revelacion

Dimècres, sopèri amb LaJefa e Pomponeta perque dijòus èra l'aniversari de LaJefa.
LaJefa es un pauc una iluminada de l'astrologia. Se petaça cada an per que quauqu'un li faga present de l'astrologia per l'annada seguenta d'elisabeth tessier o autra tabata cash.
E ara, a una passion tota novèla per un dakòs de psicologia qu'a un nom un pauc estranh:l'eneagram. Lo speech: i a nòu modèls de personalitat e cadun sèm un modèl amb d'influéncias d'un autre modèl.

Alara, ieu, segon l'eneagrama, soi lo modèl nº7 , coma los felibres, òc.
Aguèri pas besonh de cercar dins lo libre, que LaJefa e Pomponeta m'o diguèron "ò tu, siás lo nº7 d'a fons". De creire qu'an pas qu'aquò de faire de me trobar mon nº dins l'oroscòp eneagramian! Lo nº7 fa partida dels modèls cerebrals, ieu que sabiái pas s'èri vaginala o clitoridiana, ara, o sabi, soi cerebrala.
Cada modèl es associat a un animal. E lo meu, es la monina.
Tarrible! Soi monina tanben dins l'oroscòp chinés! Coincidéncia o vertat vertadièra?

Podètz legir d'entresenhas sus la personalitat del 7 per aquí. la descripcion que fasián de la monina del nº7 dins lo libre , akò èra ieu a 100%. Alara, lo prenguèri de las mans de LaJefa lo libre e comencèri de legir mon "retrach". Èra tot plan corrècte (levat que disián que los nº7 son esportius... ).
Puèi arribèt LA frasa:


"Son goût pour les plaisirs polymorphes fait de lui un partenaire sexuel très agréable."

Es dich.


.

5 comentaris:

  1. S'ei Tabata Cash qui ac ditz, de mei...

    ResponElimina
  2. N'avèm pas jamai dobtat, te'n fagas ;)

    ResponElimina
  3. Far l'amor es d'espòrt qd mm. Es bon per far baissar los trigliceridas e lo colesteròl.
    En realitat, far d'espòrt es pas san en general, es pas per res que i a una medicina de l'espòrt. Mas far l'amor es l'excepcion que confirma la règla. Amb la capòta, quand meme. :D.

    ResponElimina
  4. L'autor ha eliminat aquest comentari.

    ResponElimina
  5. Que n'i a pro d'aquelas conariás d'astrologia, de numerologia e monvièchologia!!!

    ResponElimina

Mercé :)