Vaporub, mon amor (2)

Ieu quand soi malauta, soi malauta coma cal.
E lo VicksVaporub, me lo meti pas en perfusion perque es pas pro liquid, mas me'n meti de'n pertot (levat ont sabètz ja).
Alara: sul pitre e l'esquina, rai.
Pel còl. Quald la garganta te fa mal (bota sèla, bota sèla), fa de ben.
Puèi quand siás enraumassada tanben va plan: quand ai lo nas de tapat, me meti de vicksVaporub jol nas.

Ieu quand soi malauta, pudissi lo vicksvaporub.

Ara, imaginatz la scèna:

Melania, malauta, que tossís, que s'ausís cossí sos palmons se desfan e que monta a sa boca una causa visquo-gelatinosa de color jauna-verda segon l'umor, que se mòca de longa, qu'esternuda, qu'a de fèbre , visca lo delirium tremens, qu'a freg, caud, set, talent, mas non vòli pas res, non vòli pas beure akò, òc, pffff, n'ai mon confle, pfff, soi malauta, dona-me, non, ne vòli pas mai. Vicks Vaporub dabans, darrièr, pel còl, e çò melhor: la mostacha de VicksVaporub (lo tòp del sexi) que costeja las crostas secas de mèca sul nas (pas la pena de faire aqueste morre, akò arriba a tot lo monde! mas IEU ai lo coratge d'o reconéisser...).
Melania agacha son amorós e li pausa la question:
M'AIMAS?

Akò's LA pròva. Lo test de "S'aimam per la vida". Sas quand lo capelan te ditz "pel melhor e pel pièger"...


Se lo tipe respond sul pic, sens pensar mièg segonda "plan segur mon amor que t'aimi", es bon, te pòdes maridar, e contunhar d'èsser malauta.

Se lo tipe agacha ta mostacha VicksVaporub, vira lo cap e fa "òc, segur que t'aimi". te cal lèu tornar trobar a ton estat "normal" per tornar sul mercat e te'n trobar un autre d'amorós.




.