Vacanças 2007 - Cantal: Abajons amb la BelaValenta

La BelaValenta es una estakanovista de l'abajon. Passa la jornada a culhir d'abajons. Ieu, qu'èri a son ostal, i anèri amb ela.
I anèri tota contenta. Genre "passejarem". Es que ieu soi colhona, e me pensavi que culhir los abajons èra coma d'anar als campairòls... te passejas, veses un abajon e cridas "òoooo, un abajon!! " Nani, monsur.
L'abajon es completament diferent. (e òu, ieu soi del país baissòl e dins mon país i a pas de campairòls, i a pas d'abajons, i a la sansoira e de toristas...). Per culhir l'abajon, primièr, te cal anar dins un bòsc ont n'i a. Tapís d'abajons. E akí , prenes ton ferrat, e començas de culhir. E lo metòd melhor per akò faire, es lo metòd "BelaValenta". Alara, vos vesi arribar banda d'aparisenquits amb vòstre penche per penchenar l'abagièra e raubar al paure païsan totes sos abajons ( que el los culhirà pas los abajons, es pas con lo païsan...). NANI Monsur. Amb la BelaValenta, es lo cuol pel sòl. Lo ferrat entre las cambas. E fai tirar Marius!

Çò qu'es bonard, es que te crebas pas. Rai que, al cap d'un brieu, as lo cuol que te dòl. Mas bon. Puèi arribas quasi a n'aver ton confle de parlar (quasi). Perque una femna + una femna dins un luòc ont i a pas degun, assetadas, a culhir d'abajons que per akò far, pas besonh de soscar... e ben charran. E m'o cal avoar, la BelaValent e ieu, sèm de lengas de pelha.... (ok, mai que mai ela oaf oaf oaf)

(vai-zi, marcha me dessús, te dirai pas res...)

Comencèrem a 9 oras del matin e acabèrem a 5 oras del vespre. (non , mas quand vos disi qu'es estakanovista, son pas de conariás!). E la BelaValenta especialista ès culhidas diguèt qu'èri bona per culhir. Tè! ;)

Urosament, quand meme, entre 9 oras e lo vespre i aguèt lo picanica:
Èra booooooooooooooooooooooon.


Conclusion de l'operacion "Abajons' culhida": 5,5 kg.

E bona nòva: faguèri pas tombar lo ferrat.

Alara, la question de totes: MAS DE QUE FASÈTZ AMb 5,5 kg D'ABAJONS?!?

E BEN DE CONFITURA, PARDI!!




Es passionanta ma video, sembla un film francés ( especiala dedicaça al Tam... ).
Vos daissi admirar coma a lo biais la BelaValenta... e coma a un polit pijama ròse... ;)






Dònas e Sénhers, l'autora d'aqueste blòg meravelhós GRANMERCEJA publicament e sincerament LaBelaValenta per aquestes jorns passats amb ela!


.