dijous, 18 de maig del 2006

me parlas a ieu?!?

Dimars.
08.00 del vespre.
Fa caud a Montpelhièr.
Anèri veire una pèça de teatre facha pels estudiants de la fac (me soi regalada, o cal dire). Fa un brieu que vau pas al teatre e kò permet de veire lo mond. De mond qu'aimi fòrça.


Velhard es aquí.

Quand foguèt lo darrièr còp que veguèri lo Velhard?
L'aimi plan lo Velhard.
Lo Velhard es un timid, parla pas gaire. Soritz fòrça. Es polit, las filhas lo badan (òc, soi una filha). Lo Velhard ritz quand parli. L'aimi plan. Me sembla que s'aimam plan.
Lo Velhard a tot plen de pichonas atencions. Dimars, aviá portadas de majofas de son òrt. Las aviá portadas dins un tuperware. Aviá mes lo tuperware dins una saca en plastic de Decatlon, que lo Velhard pensa a tot e es esportiu.
E lo Velhard de prepausar de majofas a tot lo mond.

Se ne prenguèri?
Pensatz plan!
E maitas! Qu'éran booooooooooonas.

Non, o mangèri pas tot!

Lo Velhard vira amb son tuperware e sa saca de plastica. Lo mond ne vòlon pas mai de sas majofas (son colhons lo mond, èran bonas sas majofas....). Mas lo Velhard vòl pas tornar a son ostal amb son tuperware amb de majofas dedins.

E lo Velhard me coneis. O sap plan que las pòdi acabar sas majofas, mas que vòli pas.
Parli amb lo mond, disi de conariás per cambiar pas.

Lo Velhard mòstra lo tuperware. Li fau signe de non.
E lo Velhard de sortir:

- Zo, LA GRÒSSA!!

M'espetèri de rire.





Parlava d'una majofa que n'i aviá una de bela.




Ieu ai la comprenèla de guingòi, es segur, mas tu, Velhardonet, n'as un de tact.....







Aviai una foto de pè... mas soi pas a l'ostal alara caldrà esperar dimenge!!!


EDIT lo dimenge 21/05:

Velhardon e ieu :)
(òc, sèm poliiiiiiiits)

8 comentaris:

  1. nautri disèn uno frago*es pas la poulido lengo prouvençalo que parlas. Ei uno vergougno.

    ResponElimina
  2. lo principal es pas d'o dire mas plan de las manjar...

    ResponElimina
  3. mélania
    tei fotos tei tèxtes m'agradan
    sias una artista
    siau fan
    fan
    fan

    ResponElimina
  4. Quin pè!
    Per tan timid que siá, lo Velhard es tanben aurelhard e susvelha tos artelhets estervelhats. La fòto es d’un erotisme torrid.
    Qualqu’un que se congosta de las fragas de mon òrt, forçadament que l’aimi, ieu tanben. E encara as pas tastadas mas tomatas !

    ResponElimina
  5. o mila dieus, lo Velhardon que me fa una declaracion...
    Me sentissi pas mai pissar.

    "e encara as pas tastadas mas tomatas" seriá-ti pas una prepausicion indecenta akò???

    ;-)

    ResponElimina
  6. I a de que far lo remake occitan de “9 setmanas ½” amb tot çò que florís, grelha e buta dins l’òrt. Tot aquò garantit bio e sens pesticidis, plan segur…

    ResponElimina
  7. I a de que far lo remake occitan de “9 setmanas ½” amb tot çò que florís, grelha e buta dins l’òrt. Tot aquò garantit bio e sens pesticidis, plan segur…
    Lo Velhard

    ResponElimina
  8. L'Eden, akí l'avèm!!
    Faràs l'Adam....

    ResponElimina

Mercé :)