Urosament , ièr ai presas de fotos per tornar baissar lo nivel del blog que vos caldriá pas creire que viri espirituala. Non non e non. Ai pas tampauc crompat de neurònas al mercat de Gordon. Cal pas desconar tampauc...
dilluns, 27 de març del 2006
La Santa Verge, la crotz, lo camin de crotz e ieu e ieu e ieu
Per contunhar dins la religiositat d'aqueste blog:
Subscriure's a:
Comentaris del missatge (Atom)
seràs pas soletat a tombat dins la religiositat, vaquí doas versions del Paire Nòstre:
ResponEliminaPaire Nòstre
que siès dins lo cèl
que ton nom se santifique,
que ton rènhe nos avènga,
que ta volontat se faga
sus la tèrra coma dins lo cèl.
Dòna-nos uèi nostre pan de cada jorn,perdona-nos nòstres deutes
coma nosautres perdonam a nòstres debitors e fai que tombèm pas dins la tentacion mas desliura-nos del mal. Atal sia.
L'altra version es una revirada de Frederic Gervais, montpelhièrenc nascut en 1755 e mòrt en 1822.
Nòstre paire que sètz amont
santificat siá vòstre nom
fasetz que vòstre règne avengue
vòstra volontat se mantegue
sus la tèrra coma amondaut.
Fasetz que cadun a l'ostau
agem uòi coma d'ordinari
lo pan que nos es necessari.
Perdonatz-nos nòstres pecats
coma a quau nos a ofensats
nosautres perdonam l'ofensa
e fasetz qu'en vòstra presença
seguem plus temptats coma sèm
mès gardatz-nos dau diable.
Amèn.
Mas quand vos disi que lo mond que legisson aqueste blog son de mond plan coma cal!!!!
ResponEliminaDisi pas que dire lo Pater Noster siá coma cal, mas ne donar doas versions òsca....
Plan mercés doncas, Anonim, per aquestas versions del Pater Noster. (Aqueste blog es religiós, ara es oficial, pòdi demandar de subvencions al VAtican!)
Akò me faguèt gaug que soi montpelhierenca...
Faidida dins aqueste país carcinòl.
Me tornèt a l'ausidor lo parlar montpelhierenc...
Ne soi encara plan esmoguda...
"Sequéncia Mocador"
lol
Çò que me fa rire es que, Cristian, un professor me mandèt las versions en latin dissabte! ( çai jos)
Viri espirituala???
Me cal far mèfi!!
Tè, me vau despachar LEU LEU LEU de tornar baissar lo nivel d'aqueste blog...
Ave Maria,
gracia plena,
Dominus tecum :
benedicta tu in mulieribus,
et benedictus fructus ventris tui, Jesus.
Sancta Maria,
Mater Dei,
ora pro nobis peccatoribus,
nunc et in hora mortis nostrae.
Amen.
Pater noster, qui es in caelis
sanctificetur nomen tuum
adveniat regnum tuum
fiat voluntas tua
sicut in caelo et in terra.
Panem nostrum quotidianum
da nobis hodie
et dimitte nobis debita nostra
sicut et nos dimittimus
debitoribus nostris
et ne nos inducas in tentationem
sed libera nos a malo.
Amen.
T'ai daissat d'altres vejaires suls las tieunas passejadas del cap de setmana. Me calriá qualcunas explicas sus cossí se fa per daissar lo fafre, perque aquò d'escriure d'anònim jamai m'a pas agradit.
ResponEliminaA reveire
Quand clicas sus "comentaris", se dubrís la fenestra amb totes los comentaris escriches o cap comemntari.
ResponEliminaEscrives lo teu, e aval, te ditz de causir una identitat, te cal clicar sus "Autres" e marcar un escais
E publicar ton messatge.
E s'aquò marcha pas, pòdes totjorn escriure ton escais a la fin de ton comentari.
A, cal dire tanben que cal que ieu valide los comentaris. Doncas, son pas publicats sul pic sul blog :-)