dissabte, 19 d’agost de 2017

10000 passes per Pineròl

Un torn rapid pel mercat de Pinerolo per escotar lo Danís. Sèm a la vila. Daissi lèu l agitacion per me passejar pel polit centre medieval. Monti sens saber çò que trobarai amont. Aquò s bravament penjarut. La vista val la susada. Vesi lo mont visol "una montanha ponchua coma la dessenhan li mainats" ditz un tipe dins una video que mòstri als escolans.

divendres, 18 d’agost de 2017

10000 passes per Salsa - Val Germanasca

Daissi Salsa los uèlhs plens de lagremas e amb la certesa de i tornar tre que possible. La freg canina me butèt a prene una cambra. Se passatz pas luènh venètz dormir o manjar a La Miando. Pierluigi e Renata son a do ra bles. Parlan occitan e an ben consciencia del país. Ai pogut parlar occitan amb un fum de mond.
Vòli pas partir.

dimecres, 16 d’agost de 2017

10000 passes per Perosa (don't cry for me) Argentina - Val Cluson

Botiga Oximòr 





La fabrica gunterman
qu a participat al non exòde del mond de la valada

dissabte, 12 d’agost de 2017

divendres, 11 d’agost de 2017

Rugbi a La Cauna

Dos rescontres amicals per 15 euros, quan sabes lo prètz d una plaça dins los estadis de foot, de rugbi, de prod2, top14 d2 o primièra division, trantalhas pas gaire per i anar.
Besièrs contra Nevers club montat de Federala 1 a ProD2.
E Castras contra Agen totes dos en top14.
E ben quand veses jogar los clubs de top14, comprenes perquè Besièrs i es pas.
Divendres 22 de setembre, Besièrs rescontra Perpinyà a l estadi de la Mediterranèa. I serai per jogar e bramar amb los suportaires (cf vidèos fin del post). L equipa besierenca  n aurà de besonh, que lo darrièr còp que l asbh rescontrèt l usap, aquò èra a l estadi aimé giral, l asbh morflèt. En mai d aquò, Besièrs tornarà de dos desplaçaments dificils a Baiona e Biarritz.  Serà una debuta de sason musclada.   Me vau regalar.





Lo cambajon de La Cauna que fa lo torn de l'estadi al mièg-temps







dijous, 10 d’agost de 2017

10000 passes a solelh colc

36° uèi. Sortir de l ostal per caminar a 21h15. Sentir lo vent sul còs susat, lo vent que sentís a auratge. Agachar los ulhauces e la pluèja luènh ailà sus Menerbés, seràn aquí dins un brieu.
Cargar las fòtos sul blòg escambarlada sul  cadieràs de la terrassa, esblaugida pels ulhauces en dessús, breçada per lo cèl que trona e las vesinas que charran dins sa lenga, a l espèra de la pluèja gròssa que me farà me recaptar.